|
EREDIENSBESONDERHEDE Ons hou op Sondae ‘n verskeidenheid eredienste op verskillende plekke wat ruimte skep dat mense die Here met oorgawe kan aanbid. Klik hier om die jongste erediensbesonderhede te sien. |
PREKE Klik hier om ‘n mp3-weergawe van ons eredienste in die Gemeentesentrum af te laai. Preke kan op CD by die kerkkantoor bestel word. Gaan na Kontak ons, vorms vir ‘n pdf-lys van alle beskikbare preke wat by die kerkkantoor bestel kan word. Verder sal jy op die voorblad ook die jongste preke kry wat jy sommer so direk op jou rekenaar kan luister. |
BULLETIN Wonder jy wanneer gebeur wat? Om deel te wees van Lux Mundi beteken om gereeld in te skakel! Klik hier om die jongste pdf-weergawe van ons weeklikse Bulletin af te laai en bly op hoogte van Lux Mundi se werk in die Koninkryk. |
Gee en geluk
Ek lees die naweek 'n baie interessante artikel op die webwerf van die hoog aangeskrewe tydskrif Science. Dit gaan oor die effek van gee op mense se gemoed.
'n Sosiale sielkundige, Elizabeth Dunn by die Universiteit van Brits-Columbia in Kanada, het navorsing gedoen oor watter soort spandering mense regtig gelukkig maak. Sy en haar kollegas het 109 studente ondervra en die meeste het gesê dat hulle gelukkiger sal wees met $20 as met $5 in hulle sakke. Die meeste het ook gesê dat hulle eerder die geld op hulleself sal spandeer as op iemand anders.
Geen verrassings hier nie! Die meeste van ons sal gelukkiger voel met méér geld in die sak as met minder, en sal dit instinktief op onsself wil uitgee.
Dunn en haar span navorsers het daarna vir 46 ander studente elk 'n koevert gegee met bedrae wat wissel van $5 - $20 met 'n instruksie daarby oor hoe om dit uit te gee. In die opvolg het hulle gevind dat dié wat dit op iemand anders geblaas het (op 'n geskenk of vir liefdadigheid) gelukkiger gevoel het as dié wat dit op hulleself uitgegee het. Twee ander navorsingsprojekte onder werkende persone het dieselfde resultate opgelewer: mense wat geld weggee, beleef dat dit hulle gelukkiger maak as om dit vir hulleself te hou. Die effek daarvan om geld weg te gee vir 'n goeie doel, is baie dieselfde as met oefening: dit het 'n onmiddellike sowel as langtermyn positiewe uitwerking.
Hierdie navorsing bevestig die beginsel wat Jesus vir ons kom leer het: Om te gee, maak mens gelukkiger as om te ontvang (Hand 20:35). Die positiewe effek is verder ook nie net op die individu wat gee nie, maar dit bring op die lang duur ook 'n meer menslike samelewing tot stand. Of in teologiese taal: dit laat God se wil en idees, sy koninkryk in hierdie weerklikheid deurbreek.
Views: 19
-
Kommentaar deur Marius Koorts op 24 Maart 2011 om 14:51 -
Lourens dankie hiervoor, ek wil graag byvoeg t.o.v jouself gee in situasies. Ek kom in hierdie week af op die volgende verhaal:
Bietjie meer as 'n jaar terug verloor 'n redelike welgestelde persoon iewers in die Kaap op 'n baie onregverdige wyse alles wat hy in hierdie wêreld besit. Sy gesin, vrou en 2 kinders, word op geweldadige wyse uit hul huis verwyder en die sielkundige invloed daarvan op hom sowel die kinders het erge gevolge.
Die seun het 'n beurs by 'n baie suksesvolle skool gehaat aangesien hy akedemies, goed, en met sport vêr bo gemiddeld presteer. Vêr in hierdie sin beteken provinsiale klere in rugby, krieket en SA klere in atletiek.
Hulle verdwyn vir ongeveer 'n jaar, nou is daar baie gedagtes....
'n Persoon doen moeite om na hulle te gaan soek, hy vind hulle in 'n karton huis iewersnaby Paarl met onder andere niks nie en die Pa wat net antwoord dat hy nie eers geld gehaat het om vir die kinders busgeld te gee skool toe nie.
Nou is dit 6 maande later, dieselfde persoon het 'n besigheid gestig en die mense daar in beheer gesit van produksie en die beheer van aflewerings ens. Die seun is huidiglik hier in ons skool en worstel 'n ernstige stryd teen verwerping.
Eenvoudige dinge soos 'n maat wat nie vir hom die bal aangee nie sien hy as verwerping in 'n speletjie.
Die verhaal van die kind brei uit want van die maats het sy verhaal gehoor en hul begin ontferm oor hom. Hulle gee hulleself en ek wens ek kon nou al van die verhale vertel.
Wat ek wil toevoeg tot jou boodskap, alhoewel hartseer sien ek jong manne wat baie gee t.o.v hierdie kind, nie geld nie, maar van hulself, ek luister hoe een met trane in sy oë vertel hoe jammer hy sy nuwe maat kry, maar dan raak hy stil en sê: "Ek huil want ek is eintlik die gelukkigste ooit, God gebruik my!"
Vir nou, kom ons gee onsself meer en meer.
Liefde
Marius
-
Kommentaar deur Johan Jordaan op 25 Maart 2011 om 20:01 -
Hi Lourens,
Dis regtig baie insiggewend. Maar besef jy hoe min mense kan ontvang? Dis eintlik baie makliker om te gee as om te ontvang!
God is ons Pa en wil vir ons alles gee, maar wil ons dit vat? As Pa is dit Sy natuur om te gee. "Want so lief het God die wêreld gehad ....". Dit 'energise' Hom. Kyk na Jesus by die put naby Samaria. Hy was moeg en stuur die dissipels om te gaan kos koop. Hy bedien (gee) die Samaritiese vrou en toe die dissipels terugkom is Hy weer vol energie en uitgerus! Soveel so dat hulle vir Hom vra waar Hy kos gekry het. Lees in Joh 4.
Dawid vra 'Wat sal ek die HERE betaal vir al sy weldade aan my?' en dan antwoord hy:
'Ek sal die beker van verlossinge vat en die Naam van die HERE aanroep.'
Om die Here te vergoed vir Sy goedheid, vat nog meer!!
Dit klink verskriklik, maar dis hoe ons Pa is. Hy wil gee. Hy soek 'n verskoning om vir ons te gee. Maar kan ons dit vat? Kyk hierna:
Rom 8:32 Hy wat selfs sy eie Seun nie gespaar het nie, maar Hom vir ons almal oorgegee het, hoe sal Hy nie saam met Hom ons ook alles genadiglik skenk nie?
en
Rom 5:17 Want as ten gevolge van die misdaad van die één die dood geheers het deur die één, veel meer sal hulle wat die oorvloed van die genade en van die gawe van die geregtigheid ontvang, in die lewe heers deur die Één, Jesus Christus.
Wat Paulus hier sê is dat ons kan heers (as konings volgens party vertalings) as ons bereid is om die gawes van GENADE en GEREGTIGHEID te ontvang! Maar wat doen ons? Ons werk daarvoor!
Hoe 'sad'. Kom ons leer om nie net te gee nie (vir 'n pa - en ma - is dit maklik) maar ook te ontvang!!
Jammer dat ek die ou vertaling gebruik, maar dis wat ek op my rekenaar het. ('Copy en Paste' verstaan.)
Groete in Jesus,
Johan
Voeg Kommentaar By
© 2012 Created by Lux Mundi.
Jy moet 'n lid wees van Lux Mundi Gemeente om kommentaar te lewer!
Join Lux Mundi Gemeente