EREDIENSBESONDERHEDE

Ons hou op Sondae ‘n verskeidenheid eredienste op verskillende plekke wat ruimte skep dat mense die Here met oorgawe kan aanbid. Klik hier om die jongste erediensbesonderhede te sien.

PREKE

Klik hier om ‘n mp3-weergawe van ons eredienste in die Gemeentesentrum af te laai. Preke kan op CD by die kerkkantoor bestel word. Gaan na Kontak ons, vorms vir ‘n pdf-lys van alle beskikbare preke wat by die kerkkantoor bestel kan word. Verder sal jy op die voorblad ook die jongste preke kry wat jy sommer so direk op jou rekenaar kan luister.

BULLETIN

Wonder jy wanneer gebeur wat? Om deel te wees van Lux Mundi beteken om gereeld in te skakel! Klik hier om die jongste pdf-weergawe van ons weeklikse Bulletin af te laai en bly op hoogte van Lux Mundi se werk in die Koninkryk.

Gemeentenaam

Lux Mundi Gemeente is 'n makrogemeente in die ooste van Pretoria. Ons bedien die volgende woongebiede: Garsfontein, Woodhill, Mooikloof en The Wilds. Lux Mundi beteken "Lig vir die wêreld" en wil graag 'n verskil in die gemeenskap maak waarin God ons geplaas het. Daarom posisioneer ons onsself as 'n kerk in en vir die gemeenskap. Ons het 5000 lidmate. Die gemeente word bedien deur vier voltydse leraars en twee deeltydse pastorale leraars.

Gemeentenaam

Die frase 'lux mundi' (lig vir die wêreld) kom drie maal in die Latynse vertaling van die Nuwe Testament voor.

"Ek is ...", "julle is..."

In Johannes 8:12 en 9:5 sê Jesus dat Hy self die lig vir die wêreld is, en in Matteus 5:14 sê Hy dat sy volgelinge die lig vir die wêreld is.

Ons gemeentenaam wil iets herhaal van Jesus se woorde:

• Daar is geen ander lig vir die wêreld as Jesus nie. Hy is die lig wat elke mens verlig.
• Maar ons verstaan ook dat Hy ons roep om Sy lig in die wêreld te weerkaats.
• Ons naam sê dat ons hierdie roeping toe-eien en ernstig opneem.

Logo

Naam van die gemeente:

Lux Mundi. Dit beteken: 'Lig vir die wêreld'. Dit is God se opdrag vir ons in Matteus 5:14 en Johannes 8:12.

Dissipel te wees:

Die figure dui die ons as dissipels aan. Hulle is verskillende groottes. Dit dui op twee sake. Almal, groot & klein is dissipels. Verder dui dit ook op die hegte insluitende geloofsfamilie. Die dissipels staan teen die agtergrond van ‘n stad en kerk. Ons is orals dissipels: by die kerk, by die huis en by die werk.

Hegte, insluitende geloofsfamilie:

Die figure is verskillende groottes: almal is deel van die geloofsfamilie. Die een figuur staan alleen links van die kruis. Die figuur regs van die kruis strek sy arms uit na hierdie figuur om hom/haar nader te trek en deel van die geloofsfamilie te maak (daar word dus uitgereik na dié wat alleen staan).

Wat dissipels maak:

Die onderste deel van die sirkel is in die vorm van ‘n skuit – dissipels is immers vissers van mense! Ons moet gaan dissipels maak!

Kruis:

Die kruis staan bokant die sirkel uit. Die kruis as die genadesimbool staan sentraal in alles wat ons doen. Ons doen alles vanuit God se genadige liefde en uit dankbaarheid.

Leuse:

Ons leuse sê presies wat ons visie, naam en logo sê: Lig vir die wêreld!

Kleur:

Goue lig: Simboliseer die lig en die Lig.

Koningsblou: Dit is in die kerklike tradisie die kleur van Kerstyd. Dit is die tyd van die koms van die Lig.

Groen skuit: Groen is in die kerklike tradisie die kleur van die Koninkrykstyd, die tyd wat God ons stuur om te doen.

Rooi-maroen kruis: Die kleur van lyding.