As daar nou een ding is wat ons die afgelope tyd geleer het, is dit dat geld en geloof nie van mekaar losgemaak kan word nie.

Dit verg geloof om te begroot vir die werk van die gemeente as die land en die wêreld in 'n resessie is. Dit verg waagmoedige geloof om uitreike te laat voortgaan as die gemeente in die rooi is. Dit verg geloof by lidmate om aan te hou gee vir die werk van die Here as jy om jou sien hoe lyk die land se ekonomie. Die resultaat is egter dat ons almal geleer het om die Here beter te vertrou en om ons prioriteite en geldsake beter in lyn te kry met sy wil.

In die gemeente het ons geleer om rande en sente nog versigtiger te bestuur en om uiters verantwoordelike rentmeesters te wees. Ons het gesien hoedat die Here sorg dat sy werk voortgaan. En ons het gesien hoedat lidmate gee op maniere wat jou aan die hart gryp.

Jou bydrae maak 'n verskil. Dit is deel van iets wat baie groter is as Lux Mundi-gemeente. In die bestuur van die gemeente se finansies weet ons dit: hier gaan dit oor God se koninkryk wat moet kom, sy Naam wat verheerlik moet word en sy wil wat moet geskied.

Hoe kan ek my bydrae maak?

Ons glo dat ons geestelik volwasse lidmate het wat self verantwoordelikheid vir hulle dankoffers sal  neem. Daarom gaan haal ons nie bydraes by mense nie, maar het die volgende stelsels wat  u kan help om u dankoffer maklik en veilig te gee.

’n Debietordervorm is op die webwerf (onder die skakel “vorms”) en by die inligtingstoonbank beskikbaar. Gebruik dit om ’n nuwe debietorder te aktiveer of om u bestaande debietorder te verhoog. Debietorders maak die bestuur van die gemeente se finansies baie makliker.

Daar is dankofferkoeverte in die voorportaal. Plaas u dankoffer daarin, dui die bedrag/bedrae aan en gooi in die offergawesakkies tydens kollekte.

Baie mense maak deesdae gebruik van elektroniese oorbetalings.

Vir stap-vir-stap-aanwysings om die gemeente as begunstigde te skep kan ook u na die skakel “vorms” gaan. Bydraes kan ook persoonlik by die finansiële beampte, Hester Oberholzer, in die kantoor inbetaal word.

Bankbesonderhede:

Lux Mundi Gemeente

ABSA, Menlynpark (335 645)

2310 590 544 

Bedieningsleier:

Guilluame Snyders

Sel: 082 652 7606

E-pos: guilluame.snyders@gijima.com

Finansiële beampte

Hester Oberholzer

Tel: 012 998 8801 (Ma–Vry, 08:00–13:00)