Ons het ’n pastorale span wat bekwaam en gereed is om jou te help op jou geestelike pad. Saam met die twee deeltydse pastorale leraars, het ons by die Pharos Gemeenskapsentrum vir Annalie Taute, ’n maatskaplike werker wat ’n professionele span sowel as vrywillige, opgeleide lidmate het wat met haar saamwerk. Ons bedien verskillende terreine soos siekes tuis en in die hospitale, senior lidmate, mense met beproewing, krisis en trauma; ook mense met ’n behoefte aan bemoediging en ondersteuning. Wanneer jy hulp nodig het of weet van iemand wat hulp nodig het, moenie huiwer om ons te nader nie. Indien jy ’n spesifieke leraar wil spreek, is jy welkom om hom/haar te skakel. 

• Sê ons daarvan
  As ons nie weet nie kan ons nie help nie! Skakel die kerkkantoor en praat met Dora Scholtz of skakel die Pharos Gemeenskapsentrum direk, dan help ons so gou as moontlik.
• Hospitaal
  Laat weet asseblief in watter hospitaal en wanneer jy opgeneem word. Die pastorale span of een van die leraars sal jou graag besoek.
• Trauma 
  Die beradingspan by Pharos Gemeenskapsentrum is toegerus om te reageer wanneer jy ons nodig het. Veral wanneer jy ’n slagoffer van geweld is, wil ons dadelik daar wees vir jou, ook enige ander vorm van trauma.
• Persoonlike probleme 
  Twyfel, vrees, depressie, eensaamheid, huweliksprobleme, probleme by die werk, gesinsprobleme ensovoorts. Die leraars is gereed om te help, anders kan jy ook na Pharos skakel waar ’n span kundiges jou kan bystaan. 
• Ek wil help as vrywilliger
  “Ek kan ondersteun, bemoedig, nasorg vir siekes doen of senior lidmate bystaan.” Skakel asseblief die bedieningskoördineerder, Dora Scholtz, by die kerkkantoor. Vertel ons by watter diensgroep jy wil inskakel.