In die omskrywing van die omsiener lê die klem op hulle persoonlike kwaliteite, alhoewel hulle take ook moet aandag geniet.  Die volgende is van belang:

* Persoonlike dissipline in lewensstyl en moraliteit,

* Die vermoë om sy familie goed te kan regeer,

* Gawes van onderrig,

* Goeie persoonlike verhoudings,

* 'n Goeie oordeel,

* Nie opvlieënd of kort van humeur nie,

* Iemand wat nie twis soek nie,

* Nie materialisties of gierig is nie,

* Regverdig,

* Toegewy aan God,

* Selfbeheersd,  en

* Bekwaam om ander te leer.

Die omsieners vervul hul funksies ooreenkomstig die Bybelse beeld van die ouderling. Bybelse vereistes geld ook hier ten opsigte van die persoon van die omsiener.

1. Hy/sy is die geestelike leier van die Omsienerskring en neem verantwoordelikheid vir die versorging van elke groeigroepleier en hulle gesinne, asook die hele Omsienerskring.
2. Hy/sy modelleer ‘n voorbeeld van sorg en liefde vir sy groeigroepleiers.
3. Hy/sy hou die visie van groei en die visie van die gemeente voor oë en skerp dit voortdurend in by sy/haar groep in.
4. Hy/sy neem leiding by byeenkomste van Omsienerskringe.
5. Hy/sy dien sy groeigroepleiers en hulle gesinne met gebede,  telefoonoproepe en besoeke.
6. Hy/sy moet ‘n verhouding bou met sy groeigroepleiers sodat hy sal weet hoe dit met hom gaan in sy/haar geestelike lewe, sy/haar stiltetyd, sy/haar voorbidding vir sy/haar groep en ook sy/haar persoonlike Bybelstudie.
7. Hy/sy sal die groeigroepleiers aanspoor om in elke opsig ‘n voorbeeld te wees vanuit sy/haar lewe en ‘n getuie vir Christus te wees deur woord en daad.
8. Hy/sy moet op hoogte wees van die groeigroepleier se hantering en fasilitering van sy/haar groep sodat hy hom kan ondersteun en motiveer.
9. Hy/sy sal toesien dat die groeigroepleier nie verslap in sy toewyding nie, maar steeds sal volhard en sy allerbeste vir die groep sal gee.
10. Hy/sy besoek die groepe in sy/haar Omsienerskring.
11. Hy/sy verteenwoordig sy/haar Omsienerskring op die omsienersvergaderings.