KLEUTER- EN KINDERBEDIENING

Dissipelland:
• Dit vind elke Sondagoggend tydens skoolkwartale plaas.
• Dit word in vier verskillende ontwikkelingsfases (3–4 jariges, 5–6 jariges, graad 1–3, en graad 4–6) aangebied. 
• Tydens die kinderkerk word die Bybel nie net op 'n kreatiewe wyse aan die kinders oorgedra nie, maar dit word ook relevant vir die kind van vandag se leefwêreld aangebied. Ons maak gebruik van `n tydlyn om die Storie van die Bybel vir ons kinders maklik verstaanbaar te maak en dit help hulle om die hele storie maklik te kan onthou.

Kleingroepies (die ou Sondagskool of kategese):
Dit vind direk na die grootgroepaanbieding plaas. In die kleingroepies word die boodskap van die grootgroep op 'n praktiese en relevante wyse vasgelê deur middel van bespreking, aktiwiteitsblaaie of speletjies. Hier leer die kinders om klein dissipeltjies te wees! Dit is ook vir ons baie belangrik om in hierdie groepies verhoudings te bou met die kinders en daar word genoeg tyd hieraan spandeer elke Sondag as hulle lekker oor `n glasie koeldrank of hot-chocolate gesels met hulle kleingroepleier. Dit is ook vir ons belangrik dat ons ouers en die kleingroepleiers mekaar goed moet leer ken deur die jaar.

WAAR KOM WIE BYMEKAAR?
• 3–4-jariges (Seeklassie): 09:00–10:30 by die kleuterterrein.
• 5–6-jariges (Woudklassie): 09:00–10:30 by die kleuterterrein.
• Graad 1–3's: 09:00–10:30 in die tent.
• Graad 4–6'e: 09:00–10:30 in die Jeugsentrum.

WAT GEBEUR NOG?

Gr 1–3 WOW-dag:
'n Jaarlikse instelling waartydens verhoudingsbou op informele wyse tussen die kinders en hul kleingroepleiers geskied. Hierdie geleentheid is een groot partytjie wat op 'n Saterdag of Vrydag middag vroeg in die jaar plaasvind.

Die groot jol (Graad 4–6 kamp):
Tydens hierdie kamp kry die kleingroepleiers en die kinders die geleentheid om verhoudings op 'n baie informele manier te bou. Op hierdie kamp word ook geestelik in die kinders se lewe belê. Dit is uiters belangrik dat kinders hierdie kamp bywoon omdat dit verhoudings versterk deur die jaar en regtig `n uitstekende basis vir werksverhoudings tussen kinders en kleingroepleiers skep.

Kinder Jol:
Dit is 'n vakansieprogram vir 'n week tydens die Junie/Julie skoolvakansie. Hierdie geleentheid poog om deur middel van pret, sport, drama, kreatiwiteit en woordverkondiging vir die kinders goeie goddelike lewensvaardighede te leer en ouers hoef nie bekommerd te wees oor hulle kinders in die vakansie nie.

Kinderpinkster:
Daar word elke jaar met Pinkstertyd ‘n geleentheid geskep vir kinders om Pinkster op hulle vlak te beleef. Ons kry dan ‘n uitstekende diensjaarspan of kunstenaar om vir ons in hierdie week by die skole gedurende die dag en by die kerk in die aande ‘n leersame en opwindende program aan te bied.

Kindernagmaal:
Dit is 'n besondere geleentheid een maal per kwartaal waartydens kinders saam met hulle ouer(s) nagmaal kan vier.  Hierdie dienste word alles op die kind se vlak aangebied en dit is groot pret vir jonk en oud.

KONTAKPERSONE:

Gr. 1-3-assistent:
Norma Ebersohn 
Sel: 083 333 2222
& 
Hanlie Jansen van Rensburg
Sel: 083 973 9393 

Gr. 4-6-assistent:
Max van der Merwe
Sel: 072 594 7372

TIENERS

Celebration-dienste

Alternatiewe gesinsdiens. Elke Sondag om 17:00 asook tydens skoolvakansies, behalwe Desembervakansies.  
Pelgroepe na afloop van Celebration om 18:30. Klik hier om die brief vir Gr.7 pelgroepe en ouers te lees.

Uitreike vir 2010

* JESUSFILMUITREIK-Sep

* TO–Stranddiens vir gr. 10’s tot jong volwassenes: 26 Maart – 6 April.
* Mpumalanga Jesusfilm–uitreik: September.
* RAGE–uitreik. Dien matrieks/studente tydens die RAGE–week in Margate. 
* DREAM-uitreike vir pelgroepe soos bepaal.

Pelgroepe

Jeug-omgeegroepe vir gr.7-12’s. Elke Sondag van die skoolkwartaal om 18:30.

CULTURE 316

Bediening vir jong volwassenes. Groeigroepe, socials, kampe en uitreike. 

Jeugleraar:

Ds. Sebastiaan van Dyk
Sel: 079 499 8790
Epos: svandyk@luxmundi.org.za

Bedieningskoördineerder:

Willemien Lucas
Tel: (012) 998 8801
E-pos: jeug@luxmundi.org.za