Praktiese Ouerskap -
Hanteer kinderopvoeding met selfvertroue

Dr James Dobson gee verstandige raad en praktiese antwoorde op vrae oor die verhouding tussen 'n ouer en 'n kind. Hy gesels oor:

• Vertrouenskrisisse.

• Kinders met verskillende temperamente.

• Druk van die samelewing.

• Immoraliteit.

• Vergifnis tussen 'n ouer en 'n kind.

Ouerskap kan 'n genotvolle ervaring wees. Dr Dobson se antwoord is liefde. Ferm liefde. En hierdie liefde verg moed. Dr Dobson wys jou hoe om meer as net moedig genoeg te wees - hy wys jou hoe jy jou kinders met sefvertroue kan grootmaak en hoe om 'n gebalanseerde styl te ontwikkel.  

Dr James Dobson

Dag na dag dra God ons (met kanker en al)

Om van jou dokter te moet hoor jy het kanker, is 'n groot skok. Dit verander lewens - dié van die persoon wat self kanker het, asook van diegene rondom hierdie persoon, sy/haar familie, die vriendekring, kollegas by die werk.

Hierdie besondere Bybelstudiedagboek is gemik op die persoon wat kanker het en sy/haar naasbestaandes. Sulke persone word stap vir stap deur die vrae geneem waarmee elkeen wat kanker opdoen, worstel. Daar word sensitief, maar tog eerlik na al die tergende vrae gekyk.

By terapeutiese en ondersteuningsgroepe sal hierdie boek besonder byval vind as 'n riglyn in die bespreking van hierdie vrae. 'n Kerngedagte, wat jy saam met jou kan dra, sal jou keer op keer versterk.  

Dr Michiel N van der Merwe

Ek wil graag weet

Antwoorde uit die Bybel op kwelvrae vandag

Ek wil graag weet! is 'n keur uit vrae wat oor die afgelope twintig jaar op die tafel van Johan Smit geland het in sy amp as pastorale berader by Bybelkor, Die Kerkbode en Die Voorligter.  

Johan Smit

Nader aan die man van Nasaret

Bybelstudie in verhaalvorm oor Petrus se lewe saam met Jesus deur Stephan Joubert 

'n Bybelstudie met 'n verskil: Petrus self word deur die loop van die boek aan die woord gestel om sy ervarings saam met Jesus eerstehands met ons te deel. Petrus se verhaal voer ons mee vanaf Kapernaum, sy geboortedorp, tot by sy dood in Rome onder die hande van die wrede keiser Nero.

Mag hierdie boek jou help om Jesus opnuut te ontdek. Mag jy deur Petrus se oë sien wie die Man van Nasaret regtig is. En mag jy daardeur nog nader aan Hom kom. 

Stephan Joubert

Here, ek begeer U meer

Jy kan hierdie boek vir jou Bybelstudie of jou stiltetyd gebruik.

In hierdie Bybelstudiegids word die EK IS-uitsprake van Christus behandel, byvoorbeeld wanneer Jeus sê: Ek is die brood wat lewe gee, of: Ek is die lig vir die wêreld. Dit is ons gebed dat die boek jou kennis van Christus sal verdiep en by jou – soos by Paulus – 'n passie sal opwek om Hom al beter te ken. Van elkeen van die EK IS-uitsprake kan gesê word dat dit Jesus is wat van Homself getuig sodat jy Hom beter kan ken, dien en aanbid. 

Dr Andries Odendaal

Senior… en gelukkig

By God het die gelowige 'n onverbeterbare voorsprong vir die toekoms. Hierdie gids vir dertig dae gee pitkos vir 'n verrykte lewe na 60.

Dr Rassie van Niekerk

Word ’n wêreld Christen

Jesus Christus het die visie dat almal in die hele wêreld hulle aan die heerskappy van God oorgee. Dié wonder gebeur elke oomblik. Die evangelie is op 'n onstuitbare segetog deur die wêreld. Jy kan deel hiervan wees. Die begrip wêreldsending dui op die wêreldwye sendingvisie van Jesus Christus waarvan die grense die uithoeke of eindes van die aarde is. Dit sluit alle lande en mensegroepe in aan wie die evangelieboodskap gebring moet word. 

Dr Ernt van der Walt

Waag dit! Om lief te hê (Fireproof)

Die wêreld is gaande oor die romantiek rondom verliefdes, ringe en beloftes. Bruidspare beloof graag onvoor-waardelike liefde aan mekaar, maar baie min leef hierdie soort liefde in die huwelik uit. Gevolglik dink getroudes dat teleurstelling en mislukking onvermydelik is. Daar is egter 'n uitweg!

Waag dit om lief te hê is 'n 40 dae-uitdaging van huwelikspare om die beginsels van onvoorwaardelike liefde te verstaan en uit te leef. Verower opnuut jou geliefde se hart, ontdek ware intimiteit en maak jou huwelik bestand teen aanslae van buite.

Dit maak nie saak of jou huwelik op die rotse is en of jy gelukkig getroud is nie, pak hierdie reis aan en jou huwelik sal beter wees as ooit! 

Stephan & Alex Kendrick

Gedoop met die Heilige Gees

Prof Jaap Furstenberg

Ek wil lééf en liefhê, Here

Ek wil lééf en liefhê, Here is 'n koevert met jou adres op – binne is Johannes se eerste brief aan jou. Wanneer jy daarmee besig raak, is dit soos om in 'n tydmasjien te klim en tussen die mense van twee duisend jaar gelede in te stap.

Johannes vertel opgewonde van Jesus, want hy het Hom met sy eie oë gesien, hy het met sy eie hande aan Hom gevat.

• Die Bybelstudies gebruik die voëlvlug-metode en kom sprei die belangrike onderwerpe van 1 Johannes voor jou oop.
• Kom deel in die blywende indrukke wat Jesus op mense laat.
• Kry sekerheid in jou gemoed oor wie Jesus is, oor jou geloof in Hom en oor wat Hy nog alles vir ons kom doen het.
• Vind uit wie die antichriste is.
• Ontdek hoe om waarlik lief te hê en te lééf ... nou en vir ewig! 

Prof Jan van der Watt

Daar’s nog mense soos ek en jy

Die Bybelstudies in hierdie boekie is uitgewerk om in die behoefte op talle plekke te voorsien om oor gesins- en familieverhoudings te praat. Die studiegids bevat tien karakterstudies oor mense in die Bybel met wie vandag se mens kan identifiseer. Sake soos gesinsverhoudings tussen broers, ouer/kindverhoudings, aborsie, die depressiewe gesin, gestremdheid, die verhouding met grootouers, word aangeraak. 

Dr Roelf Opperman

Leef as mense van die lig – Filippense

Hierdie gids handel oor Paulus se dankiesê-brief aan die Filippense. Uit die tronk in Rome moedig hy hulle aan om as mense van die lig te leef. Hulle omstandighede was baie moeilik. Maar die nuwe lewe wat hulle in Christus ontvang het, is beter as enigiets anders. Daarom moet hulle – en ons! – sorg dat niks die vregde, glans en blydskap daarvan kan wegneem nie. 

Willie Botha

Stephan Joubert

Stephan Joubert

Stephan Joubert